Ա.Գրիգորյանի կողմից ղեկավարված պատմամշակութային հիմնավորման նախագծերը և հեղինակները
Երիտասարդ ճարտարապետների խումբը ստեղծվել է 1979թ : Այն ղեկավարել է Երևանի պոլիտեխնիկական ինստիտուտի դասախոս, այդ ժամանակ Հանրապետությունում նորաստեղծ` պատմական բնակավայրերի վերակառուցման և մշակութային ժառանգության պահպանման բնագավառի մասնագետ Արտյոմ Գրիգորյանը : Խմբի հիմնական կազմում աշխատել են Արմեն Գյուլամիրյանը, Հովհաննես Սանամյանը և Կարեն Գրիգորյանը:
Խմբի կողմից ստեղծվել են Հայաստանի հնագույն բնակավայրերի պատմամշակութային հիմնավորման 8 խոշոր նախագծեր, որոնք մշակվել են Հայկական ՍՍՀ նախարարների խորհրդին առընթեր պատմության և մշակույթի հուշարձանների պահպանման և օգտագործման վարչությունում` Երևանի Պոլիտեխնիկական ինստիտուտի ճարտարապետության ամբիոնի հետ համատեղ:
Այդ նախագծերից « Էջմիածին քաղաքի պատմամշակութային հիմնավորման նախագիծը » ընտրվել է 1975-1980թթ հանրապետության լավագույն ճարտարապետական ստեղծագործություններից մեկը, իսկ « Հառիճ գյուղի պատմամշակութային հիմնավորման նախագիծը » ճանաչվել է 1982թ ԽՍՀՄ լավագույն նախագծերից մեկը:
